غزہ: ایک دن میں سفاکانہ حملوں سے تراسی شہید، پانچ سو چون زخمی

(روزنامہ قدس ـ آنلائن خبر رساں ادارہ) فلسطینی وزارتِ صحت نے اعلان کیا ہے کہ گزشتہ چوبیس گھنٹوں کے دوران قابض اسرائیل کی جانب سے جاری وحشیانہ بمباری کے نتیجے میں غزہ کی پٹی میں تراسی فلسطینی شہید اور پانچ سو چون شدید زخمی ہوئے ہیں۔

جاری کردہ بیان کے مطابق ان تازہ شہادتوں کے بعد اٹھارہ مارچ 2025 سے اب تک شہداء کی مجموعی تعداد نو ہزار ایک سو تراسٹھ اور زخمیوں کی تعداد پینتیس ہزار چھ سو دو ہو گئی ہے۔ وزارت نے یہ بھی بتایا کہ صرف گزشتہ چند مہینوں میں اپنے اہل خانہ کی کفالت کے لیے کوشاں تیرہ سو تراسی محنت کش فلسطینی شہید اور نو ہزار دو سو اٹھارہ زخمی ہو چکے ہیں۔

ساتھ اکتوبر 2023 سے شروع ہونے والی اس جنگ میں اب تک کل ساٹھ ہزار تین سو تیس فلسطینی شہید اور ایک لاکھ سینتالیس ہزار چھ سو تینتالیس زخمی ہو چکے ہیں۔

وزارت نے مزید کہا کہ اب بھی کئی لاشیں عمارتوں کے ملبے تلے دبی ہوئی ہیں اور درجنوں زخمی سڑکوں پر موجود ہیں کیونکہ قابض اسرائیلی بمباری کے باعث ایمبولینس اور سول ڈیفنس کے اہلکار ان تک پہنچنے سے قاصر ہیں۔