(روزنامہ قدس ـ آنلائن خبر رساں ادارہ) یمنی تحریک انصار اللہ کے رہنما نے کہا کہ دنیا میں ستاون مسلم ریاستوں کے ہوتے ہوئے بھی صرف چند ہی مسلم ممالک اور گروہ ایسے ہیں جنہوں نے فلسطینی قوم کی حمایت میں واضح اور ٹھوس مؤقف اختیار کیا۔
عرب حکومتیں نہ صرف خاموش ہیں بلکہ ظالم و سفاک صیہونی حکومت سے روابط رکھتی ہیں اور بعض صورتوں میں فلسطینی قوم کے مخالف قابض ریاست کی آلہ کار بنی ہوئی ہیں۔عرب ریاستوں کا رویہ انسانی فطرت اور اخلاقیات سے انحراف ہے۔
صیہونی ریاست کے جرائم پر خاموشی اور امریکہ کی ان مظالم میں شراکت نے دنیا بھر میں جرائم اور ناانصافی کے پھیلاؤ کی راہ ہموار کی ہے۔
عالمی صہیونیت امریکہ اور غاصب ظالم ریاست کو دو بنیادی ستون کے طور پر استعمال کرتے ہوئے انسانیت پر تسلط قائم کرنے کی کوشش کر رہی ہے۔ ان کا اولین ہدف عرب اقوام کو زیر کرنا اور اس کے بعد دیگر مسلم ریاستوں کو مغلوب کرنا ہے۔
