طوباس: قابض فوج کا بزدلانہ حملہ، سوتے نوجوان کو گولیاں مار کر شہید کردیا

(روزنامہ قدس ـ آنلائن خبر رساں ادارہ) قابض اسرائیلی جارحانہ فورسز نے مقبوضہ مغربی کنارے کے طوباس علاقے میں واقع الفارعہ کیمپ پر دھاوا بول دیاجہاں ایک فلسطینی نوجوان فراس احمد رجا صبح کو اس کے اپنے گھر میں سوتے ہوئے بے رحمی سے گولی مار کر شدید زخمی کر دیا گیا۔ شام تک وہ اپنے زخموں کی تاب نہ لاتے ہوئے شہادت کے اعلیٰ مرتبے پر فائز ہو گیا۔

فلسطینی وزارت ِصحت نے تصدیق کی ہے کہ انہیں محکمہ شہری امور کی جانب سے فراس صبح کی شہادت کی اطلاع موصول ہوئی۔ شہید کی عمر سینتالیس برس تھی اور وہ سات بچوں کے والد تھے۔

نیشنل پرزنرز کلب طوباس کے ڈائریکٹر کمال بنی عودہ کے مطابق قابض اسرائیلی فوج نے شہید صبح کے گھر میں علی الصبح زبردستی داخل ہو کر اسے اس وقت گولیوں کا نشانہ بنایا جب وہ اپنے بستر پر گہری نیند سو رہا تھا۔ گولیاں مارنے کے بعد قابض فوجیوں نے اسے زخمی حالت میں گرفتار کر لیا گیا بعدازں فراس صبح شہید ہو گئے۔

اس بزدلانہ اور سفاکانہ قتل پر اسیران کے امور کی کمیٹی اور فلسطینی اسیران کلب نے مشترکہ بیان میں کہا ہے کہ یہ قتل اس بات کا ایک اور ثبوت ہے کہ قابض ریاست فلسطینی قوم کے خلاف منظم نسل کشی کی جنگ چلا رہا ہے۔ انہوں نے کہا کہ فراس صبح کی شہادت دشمن کے جرائم کی طویل فہرست میں ایک اور سیاہ باب کا اضافہ ہے۔

بیان میں شہید کے بھائی سمیر صبح سے بھی تعزیت کا اظہار کیا گیا جو رواں سال جنوری سے صہیونی جیلوں میں انتظامی قید کاٹ رہے ہیں۔

کمیٹی اور اسیران کلب نے واضح کیا کہ فراس صبح کی شہادت کی مکمل ذمہ داری قابض صہیونی حکومت پر عائد ہوتی ہے اور عالمی انسانی حقوق کے اداروں سے پرزور مطالبہ کیا کہ وہ محض بیانات پر اکتفا نہ کریں بلکہ عملی اقدامات اٹھا کر قابض قیادت کو جنگی جرائم پر انصاف کے کٹہرے میں لائیں۔

بیان میں مزید کہا گیا کہ عالمی برادری کو چاہیے کہ وہ قابض اسرائیل کو حاصل سزا سے چھوٹ کا خاتمہ کرے اور عالمی عدالتی نظام کو دوبارہ فعال کر کے انصاف کو زندہ کرے۔

واضح رہے کہ مغربی کنارے میں قابض اسرائیلی فوج کی فیلڈ میں قتل کی وارداتیں روز بروز بڑھتی جا رہی ہیں خاص طور پر سکیورٹی چوکیوں پر جہاں بے گناہ فلسطینیوں کو آئے روز شہید کیا جا رہا ہے جب کہ عالمی برادری خاموش تماشاہی بنی ہوئی ہے۔

یاد رہے کہ غزہ پر ساتھ اکتوبر 2023ء سے جاری نسل کش جنگ کے آغاز سے اب تک مغربی کنارے میں قابض اسرائیل اور اس کے مسلح صہیونی آبادکاروں کے ہاتھوں ایک ہزار چودہ سے زائد فلسطینی شہید ہو چکے ہیں۔