سعودی عرب کی مغربی کنارے پر صہیونی قبضے کے مطالبے کی مذمت

(روزنامہ قدس ـ آنلائن خبر رساں ادارہ) سعودی وزارت ِخارجہ کی جانب سے جاری بیان میں کہا گیا ہےکہ مقبوضہ مغربی کنارے پر قابض صہیونی خود مختاری کے نفاذ کا مطالبہ اقوامِ متحدہ کی قراردادوں کے منافی ہے۔ بیان میں سعودی وزیرِخارجہ نے مزید کہا کے فلسطینی علاقوں میں صہیونی آبادکاری کو وسعت دینےکی ہر کوشش کو یکسر مسترد کرتے ہیں۔

سعودی وزارت خارجہ نے مزید کہا کہ صہیونی حکام کو عالمی قراردادوں کا پابند بنانے کی ضرورت ہے سعودی عرب اپنے فلسطینی بھائیوں کے حقوق کی مکمل حمایت جاری رکھے گا۔

سعودی وزارت خارجہ نے کہا کہ سعودی عرب 1967ء کی سرحدوں کے مطابق آزاد فلسطینی ریاست کے قیام کا مطالبہ کرتا ہے جس کا دارالحکومت مشرقی القدس ہو۔

عرب میڈیا کے مطابق سعودی وزارتِ خارجہ نے اس مؤقف کو مملکت کا مستقل اور غیر متزلزل اصول قرار دیا ہے۔