القسام حملہ: ایک فوجی ہلاک اور تین ٹینک تباہ

(روزنامہ قدس ـ آنلائن خبر رساں ادارہ) فلسطینی مزاحمتی تنظیم القسام بریگیڈز نے اعلان کیا ہے کہ اس کے جاں نثار مجاہدین نے غزہ شہر اور شمالی علاقے جبالیہ میں اپنی کارروائیوں کے دوران ایک قابض اسرائیلی فوجی کو سنائیپر حملے میں ہلاک کر دیا اور تین "میرکافا” ٹینکوں کو مکمل طور پر تباہ کر دیا۔

یہ اعلان القسام بریگیڈز نے اپنے ٹیلیگرام چینل کے ذریعے کیا۔ بیان میں کہا گیا کہ ہمارے مجاہدین نے چھ جون کو غزہ شہر کے مشرقی علاقے الشجاعیہ میں شارع المنطار کے مشرق میں ایک صہیونی فوجی کو سنائیپر سے نشانہ بنایا جس سے قابض فوجی موقع پر ہی ہلاک ہوگیا۔

القسام بریگیڈز نے ایک دوسرے بیان میں مزید تفصیلات فراہم کرتے ہوئے بتایا کہ پندرہ جون کو ہمارے مجاہدین نے دشمن کے تین میرکافا ٹینکوں کو انتہائی طاقتور دیسی ساختہ بارودی سرنگوں کے ذریعے نشانہ بنایا۔ یہ کارروائی جبالیا کے مشرقی علاقے میں کی گئی جہاں دشمن کی گاڑیاں مکمل طور پر تباہ ہو گئیں۔

بیان میں مزید کہا گیا کہ میدان جنگ سے لوٹنے والے مجاہدین نے تصدیق کی ہے کہ ٹینکوں کے پرخچے ادھر ادھر بکھر گئے تھے، جس سے تباہی کی شدت کا اندازہ لگایا جاسکتا ہے۔

القسام بریگیڈز کی یہ کارروائیاں قابض اسرائیل کی وحشیانہ نسل کشی اور درندگی کا مؤثر جواب ہیں، جو 2023 کے بعد سے غزہ پر قیامت ڈھا رہا ہے۔ مزاحمتی قوتوں کا یہ پیغام ہے کہ ظلم کے ہر وار کا جواب جرأت اور استقلال سے دیا جائے گا اور مظلوم فلسطینی عوام کا خون رائیگاں نہیں جائے گا۔