(روزنامہ قدس ـ آنلائن خبر رساں ادارہ) صہیونی قابض افواج نے رام اللہ کے شمال مغربی علاقے ابو ششیدم سے دو بچوں کو حراست میں لے لیا ہے۔
ایک ویڈیو فوٹیج میں یہ منظر دیکھا گیا کہ چھ قابض صہیونی فوجی اہلکاروں پر مشتمل ایک یونٹ نوسالہ مصطفیٰ علاء قنداح کو اس کے گھر سے گرفتار کرتے ہوئے زبردستی زمین پر گرا دیتا ہے۔ اس کے بعد ایک اور قابض فوجی نے اسے ہاتھوں اور رائفل کے بٹ سے بے دردی سے مارا پیٹا اور نازیبا الفاظ استعمال کیے۔اس کے بعد مصطفیٰ کو گھر کے صحن سے باہر گھسیٹ کر فوجی گاڑی میں بٹھا کر گرفتار کر لیا گیا۔
مقامی ذرائع نے بتایا کہ اسی علاقے میں ایک اور بچہ محمد جاد اللہ قنداح بھی صہیونی فوجی آپریشن کے دوران گرفتار ہوا، جب قابض فوج نے ابو شخیدم میں گیس کے گولے فائر کرتے ہوئے چھاپہ مارا۔
یہ واقعہ ایک بار پھر صہیونی افواج کے مظالم اور فلسطینی بچوں کے خلاف جاری تشدد کی ایک نئی مثال پیش کرتا ہے۔
