عزہ میں اب کوئی انسانی جان محفوظ نہیں ،اب تک پچاس ہزار فلسطینی بچے شہید ہوچکے، یو این آر ڈبلیو اے

(روزنامہ قدس – آنلائن خبر رساں ادارہ) اقوام متحدہ کی فلسطینی پناہ گزینوں کی ایجنسی(یو این آر ڈبلیو اے ) نے خبردار کیا ہے کہ اکتوبر 2023 سے اب تک غزہ میں پچاس ہزارسے زائد بچے شہید اور متعدد زخمی ہوچکے ہیں، اور کوئی بھی انسانی جان محفوظ نہیں۔

یو این آر ڈبلیو اے کی ترجمان جولیٹ توما نےبیان میں کہا کہ یو نیسیف کے مطابق صرف بیس مہینوں میں پچاس ہزار لڑکے اور لڑکیاں شہید اور متعدد زخمی ہو چکے ہیں۔توما نے کا مزید کہنا تھا کہ غزہ میں مسلسل عام شہری، جن میں بچے، طبی عملہ، ریسکیو اہلکار اور صحافی شامل ہیں شہید اور زخمی ہو رہے ہیں۔

غزہ میں کسی کی جان محفوظ نہیں چاہے بچے ہوں یا خواتین صہیونی ریاست مسلسل فلسطینی نسل کشی کی مرتکب ہورہی ہے۔ یعنی ہر بیس منٹ میں مبینہ طور پر ایک بچہ شہید یا زخمی ہو رہاہے۔2 مارچ کے بعد علاقے میں کسی طرح کی کوئی امداد نہیں پہنچی۔ ان حالات میں غزہ کے لوگوں کو خوراک، پینےکے صاف پانی، پناہ کے لیے درکار اشیا اور طبی سازوسامان کی شدید قلت درپیش ہے۔ اس طرح غذائی قلت، بیماریوں اور دیگر قابل انسداد مسائل میں اضافہ ہو رہا ہے ۔

یونیسف کے مشرق وسطیٰ اور شمالی افریقہ کے علاقائی ڈائریکٹرایڈورڈ بیگبیڈر کے مطابق اٹھارہ مارچ کو جنگ بندی کے اختتام کے بعد سے اب تک ایک ہزار تین سو نو بچے(1,309) مبینہ طور پر شہید اور تین ہزار ساتھ سو اڑتس(3738)زخمی ہوئے ہیں۔ مجموعی طور پر، اکتوبر 2023 سے اب تک پچاس ہزار سے زائد بچے مبینہ طور پر شہید یا زخمی ہو چکے ہیں۔