(روز نامہ قدس ۔آنلائن خبر رساں ادارہ) ملی یکجہتی کونسل سندھ اور فلسطین فاؤنڈیشن پاکستان کے تحت مقبوضہ فلسطین پر غیر قانونی صیہونی ریاست اسرائیل کے قبضے کے خلاف عالمی یومِ نکبہ کے موقع پر جمعرات، 15 مئی کو شام 4 بجے کراچی پریس کلب کے باہر ایک احتجاجی مظاہرہ منعقد کیا جائے گا۔
احتجاجی مظاہرے کا مقصد فلسطینی عوام کے ساتھ اظہارِ یکجہتی کرتے ہوئے غاصب صہیونی ریاست اسرائیل کے ناجائز قیام اور فلسطینیوں پر ہونے والے مظالم کو دنیا کے سامنے اجاگر کرنا ہے۔ اس موقع پر پاکستان پر بھارت کی بڑھتی ہوئی جارحیت، مداخلت، اور اسرائیل و بھارت کے گٹھ جوڑ کے خلاف بھی آواز بلند کی جائے گی۔
منتظمین نے تمام محب وطن پاکستانی شہریوں، خواتین و حضرات، سماجی کارکنوں، طلبہ، اساتذہ اور صحافیوں سے اپیل کی ہے کہ وہ مظاہرے میں بھرپور شرکت کریں اور مظلوموں کے حق میں آواز بلند کریں۔
منتظمین کا کہنا ہے:
"یہ احتجاج ایک بیدار قوم کا پیغام ہے — ہم نہ بھارت کی مداخلت کو قبول کرتے ہیں، نہ اسرائیل کے غاصبانہ قبضے کو۔”
فلسطین فاؤنڈیشن پاکستان اور ملی یکجہتی کونسل عرصہ دراز سے فلسطینی کاز اور اتحادِ امت کے لیے مشترکہ کوششیں جاری رکھے ہوئے ہیں، اور یہ مظاہرہ اُن ہی کوششوں کی ایک تازہ کڑی ہوگا۔