القسام بریگیڈز کا غزہ میں صیہونی فوج پر حملہ: گاڑی تباہ

(روز نامہ قدس ۔آنلائن خبر رساں ادارہ) فلسطینی مزاحمتی تحریک "حماس” کا عسکری ونگ القسام بریگیڈ  نے پیر کے روز شمالی غزہ میں ایک گھات لگا کر کیے گئے حملے کی ویڈیو جاری کی ہے، جس میں غیر قانونی صیہونی ریاست اسرائیل کی فوجی گاڑی کو نشانہ بنایا گیا۔ یہ علاقہ 19 مہینوں سے جاری غیر قانونی صیہونی ریاست اسرائیل کی طرف سے کی جانے والی نسل کشی کا شکار ہے۔

اس ویڈیو کا عنوان "کمین کسر السیف” (تلوار توڑنے کا گھات) رکھا گیا ہے۔ القسام کا کہنا ہے کہ یہ ویڈیو 19 اپریل کو بیت حانون کے مشرق میں شارعِ العودہ پر غیر قانونی صیہونی ریاست اسرائیل کی فوج کو نشانہ بناتے ہوئے فلمائی گئی۔ ویڈیو میں دیکھا جا سکتا ہے کہ القسام کے مجاہدین ایک سرنگ سے باہر نکلتے ہیں تاکہ گھات کی کارروائی شروع کی جا سکے۔

"انہوں نے (فوجی) جیپ کو صفر فاصلے سے نشانہ بنایا”

ویڈیو میں یہ بھی دکھایا گیا کہ فوجی گاڑی کے انتظار کے دوران ایک ٹرک اور ایک غیر فوجی جیپ کو القسام کے مجاہدین نے  نشانہ نہیں بنایا۔ جیسے ہی غیر قانونی صیہونی ریاست اسرائیل کی فوجی گاڑی وہاں سے گزری، القسام کے مجاہدین نے اس پر فائرنگ اور گولہ باری شروع کر دی، جس سے گاڑی الٹ گئی۔

ویڈیو میں القسام کا کہنا ہے: "جیپ کا الٹ جانا اور اس میں سوار تمام افراد کا خاتمہ”، تاہم یہ واضح نہیں کیا گیا کہ گاڑی میں کتنے فوجی سوار تھے۔ گھات کے دوران القسام نے اس امدادی فورس کو بھی نشانہ بنایا جو موقع پر پہنچی تھی۔ انہیں "عبوۃ تلفزیونیۃ 3” نامی اینٹی پرسنل بارودی مواد سے نشانہ بنایا گیا۔ اس کے علاوہ، اسی جگہ غیر قانونی صیہونی ریاست اسرائیل کے نئے قائم کردہ فوجی مقام پر چار آر پی جی اور متعدد مارٹر گولے داغے گئے۔

اسی روز بعد ازاں، القسام نے اعلان کیا کہ اس نے ایک غیر قانونی صیہونی ریاست اسرائیل کی انجینیئرنگ ٹیم کو گھات لگا کر تباہ کیا، جس میں کچھ اہلکار ہلاک اور زخمی ہوئے۔ انہیں ایک پہلے سے بچھائی گئی بارودی سرنگ کی طرف راغب کر کے دھماکے سے اڑا دیا گیا۔ یہ واقعہ غزہ کے مشرقی علاقے التفاح میں پیش آیا۔

غیر قانونی صیہونی ریاست اسرائیل کی فوج کا اعتراف

19 اپریل کی شام غیر قانونی صیہونی ریاست اسرائیل کی فوج نے اعتراف کیا کہ اس کا ایک افسر مارا گیا ہے جبکہ تین دیگر فوجی، جن میں ایک خاتون افسر بھی شامل ہے، شدید زخمی ہوئے ہیں۔ یہ واقعہ شمالی غزہ میں ہونے والی ایک جھڑپ کے دوران پیش آیا۔

اس طرح، 7 اکتوبر 2023 کو غزہ پر شروع کی گئی نسل کشی کی جنگ کے بعد سے غیر قانونی صیہونی ریاست اسرائیل کے فوجی جانی نقصان کی سرکاری تعداد 847 ہو گئی ہے، جن میں سے 408 فوجی زمینی کارروائی کے آغاز (27 اکتوبر) سے اب تک مارے جا چکے ہیں۔

غیر قانونی صیہونی ریاست اسرائیل کی فوج کے مطابق — جس پر اصل اعداد و شمار چھپانے کا الزام ہے — اب تک جنگ کے آغاز سے 5,780 فوجی اور افسر زخمی ہو چکے ہیں، جن میں سے 2,603 زمینی لڑائیوں میں زخمی ہوئے۔

یہ اعداد و شمار ان تمام زخمی یا ہلاک فوجیوں پر مشتمل ہیں جو غزہ، مغربی کنارے، لبنان اور اندرونِ غیر قانونی صیہونی ریاست اسرائیل میں نشانہ بنے۔

امریکی حمایت سے جاری نسل کشی

امریکہ کی حمایت سے، غیر قانونی صیہونی ریاست اسرائیل 7 اکتوبر 2023 سے غزہ میں ایک منظم نسل کشی کی جنگ جاری رکھے ہوئے ہے، جس میں اب تک تقریباً 1,68,000 فلسطینی شہید یا زخمی ہو چکے ہیں۔ ان میں اکثریت بچوں اور خواتین کی ہے، جبکہ 11,000 سے زائد افراد تاحال لاپتا ہیں۔