(روز نامہ قدس ۔آنلائن خبر رساں ادارہ)طبی ذرائع کے مطابق، آج صبح سویرے سے غیر قانونی صیہونی ریاست اسرائیل کی جانب سے جاری وحشیانہ بمباری کے نتیجے میں غزہ میں مزید سات فلسطینی شہید ہو گئے۔
تفصیلات کے مطابق، خان یونس کے مغربی علاقے المواصی میں ایک خیمے کو نشانہ بنائے جانے کے نتیجے میں تین شہری شہید اور دیگر زخمی ہو گئے۔ شہداء کے نام یہ ہیں: محمد ابراہیم الطہراوی (رفح)، خلیل محمود حسونة، اور ممدوح عطیہ القاضی۔
اسی طرح بیت لاہیا میں غیر قانونی صیہونی ریاست اسرائیل کی بمباری کے دوران حمدان خاندان کے خیمے کو نشانہ بنایا گیا جو کنعان گاؤں کے سامنے ایک میدان کے قریب تھا، جس میں دو شہری شہید ہوئے: ہيثم حمدان اور محمود حمدان۔
غیر قانونی صیہونی ریاست اسرائیل نے غزہ پر اپنی نسل کشی کی کارروائیاں تیز کر دی ہیں، اور وسیع پیمانے پر شدید بمباری کی جا رہی ہے، جس کا زیادہ تر نشانہ عام شہریوں کے گھر اور بے گھر افراد کے خیمے بنے۔ اس جارحیت کے نتیجے میں 400,000 سے زائد فلسطینیوں کو دوبارہ بے گھر کر دیا گیا ہے۔