(روز نامہ قدس ۔آنلائن خبر رساں ادارہ) جنوبی غزہ سے شمالی غزہ جانے والے فلسطینی پناہ گزینوں کے قافلے واپس آنا شروع ہو گیا، جو ایک واضح شکست ہے اس غیر قانونی صیہونی ریاست اسرائیل کے جبر کے منصوبے کی، جسے پندرہ ماہ سے زیادہ کی مسلسل جارحیت کے باوجود صیہونی دشمن نافذ کرنے میں ناکام رہا۔
آج غزہ میں صیہونی جارحیت کے اختتام اور جنگ بندی کا نواں دن ہے ، لاکھوں پناہ گزینوں نے غزہ کے جنوبی حصے اور شمالی حصے کو آپس میں جوڑنے والے ساحلی راستے "شارع الرشید” "محور نتساریم” جہاں سے صیہونی فوج کا مکمل انخلا ہوگیا ہے سے گزر کر اپنے گھروں کی جانب رواں دواں ہوئے یہ واپسی صبح سات بجے جنگ بندی کے معاہدے کی بنیاد پر ہوئی۔
یہ فیصلہ کیا گیا تھا کہ پناہ گزین ہفتہ کی صبح واپس آئیں گے، مگر غیر قانونی صیہونی ریاست اسرائیل کی فوج نے معاہدے کی خلاف ورزی کرتے ہوئے انہیں واپس جانے سے روک دیا تھا، تاہم بعد ازاں مذاکرات کے ذریعے مسئلہ حل ہو گیا اور پناہ گزینوں کو واپس جانے کی اجازت دے دی گئی۔