(روز نامہ قدس ۔آنلائن خبر رساں ادارہ) غیر قانونی صیہونی آبادکاروں اسرائیلی آبادکاروں نے مغربی کنارے کے شہر رسم اللہ کے ضلع سلواد میں حملوں کے دوران آٹھ فلسطینیوں کو زخمی کردیا حملے کے دوران فلسطینیوں کی چھ گاڑیاں بھی جلا دیں فلسطینیوں کی ملکیت زیتون کے باغ کو تباہ کر دیا۔
فلسطینی خبر رساں ایجنسی وفا کی جانب سے ایک ویڈیو نشر کی گئی کی جس میں الخلیل کے جنوب میں واقع مقبوضہ مغربی کنارے کے قصبے مسافر یطا میں ایک بزرگ فلسطینی شخص پر رات کے وقت اسرائیلی آبادکاروں کے حملے کے لمحات اور اس کے بعد کے مناظر دکھائے گئے ہیں۔ مقامی کارکن اسامہ مخامرا نے وفا کو بتایا کہ اس شخص اور اس کے خاندان کو علاقے میں اسرائیلی آبادکاروں کی طرف سے ہراسانی کی مہم کا سامنا کرنا پڑا، صیہونی آبادکاروں نے بزرگ شہری کے اہلخانہ کو بھی تشدد کا نشانہ بنایا۔