(روز نامہ قدس ۔آنلائن خبر رساں ادارہ) مقبوضہ فلسطین میں صیہونی ریاستی دہشتگردی کے خلاف برسرپیکار اسلامی تحریک مزاحمت ’حماس‘ کے عسکری ونگ القسام بریگیڈز نے گذشتہ روز نصف شب صہیونی فوج کے ہاتھوں نہتے شہریوں کے قتل عام کے جواب میں غزہ سے غیر قانونی صیہونی ریاست اسرائیل کی یہودی بستی سیدروت پر متعدد راکٹ فائر کیے۔
القسام بریگیڈ کی جانب سے جاری کردہ بیان کے مطابق غاصب صیہونی فوج نے اعتراف کیا کہ اس نے غزہ سے سیدروت کے علاقے کی طرف داغے گئے دو راکٹوں کا سراغ لگایا۔ ان کا دعویٰ ہے کہ ان میں سے ایک کو بغیر کسی جانی نقصان کے روک دیا گیا، جب کہ دوسرا کھلے علاقے میں گرا۔
صیہونی ریاست کے عبرانی میڈیا کے مطابق گذشتہ چند دنوں میں شمالی غزہ میں جہاں غاصب صیہونی افواج کی بھاری نفری تعینات ہے وہاں سے راکٹ حملے کیے گئے ہیں، جن میں بیت حانون سے ایک "حیرت انگیز” کارروائی بھی شامل ہے۔
القدس بریگیڈز نے منگل کو اعلان کیا کہ انہوں نے اسرائیلی گاڑیوں کے ایک قافلے کو جبالیہ کیمپ کے وسط میں اینٹی آرمر ڈیوائسز کے میدان میں تباہ کردیا۔
دوسری جانب القدس بریگیڈز نے مقبوضہ بیت المقدس اور تل ابیب میں اسرائیلی تنصیبات پر راکٹ حملے کرتے ہوئے کہا ہے کہ اس نے یہ حملے غزہ میں قتل عام اور مسجد اقصیٰ کی بے حرمتی کے رد عمل میں کیے ہیں۔