(روز نامہ قدس ۔آنلائن خبر رساں ادادہ) لندن میں برطانوی پارلیمنٹ کے 25 ارکان نے پارلیمنٹ کے سامنے احتجاج کرتے ہوئے اسرائیل کو ہتھیاروں کی فراہمی بند کرنے کا مطالبہ کیا۔ یہ احتجاج ایک پٹیشن پر 100,000 دستخطوں کے بعد کیا گیا، جس کے نتیجے میں پارلیمانی اجلاس میں اس معاملے پر بحث ہوئی۔
برطانیہ نے اسرائیل کو ہتھیار فروخت کرنے کے 350 میں سے 30 لائسنس معطل کیے ہیں، تاہم اسرائیلی F-35 طیاروں میں استعمال ہونے والے برطانوی پرزے اس پابندی میں شامل نہیں۔ بین الاقوامی تنظیموں نے برطانوی فیصلے کو ناکافی قرار دیتے ہوئے تنقید کی کہ یہ اقدام بہت دیر سے کیا گیا ہے۔