( روز نامہ قدس ۔آنلائن خبر رساں ادادہ) مقبوضہ مغربی کنارے میں آبادکار کونسلوں نے اسرائیلی حکومت سے مطالبہ کیا ہے کہ وہ فلسطینی کیمپوں کو خالی کرکے وہاں کے "سیکیورٹی تصور” میں بنیادی تبدیلیاں لائے۔ کونسل کا کہنا ہے کہ 7 اکتوبر 2023 کے طرز کے حملوں کے اعادے کو روکنے کے لیے سخت اقدامات ناگزیر ہیں۔
کونسلز نے دعویٰ کیا کہ فلسطینی مزاحمت، خاص طور پر جینین بریگیڈ، اسرائیل کی سیکیورٹی کے لیے سنگین خطرہ ہے، اور کیمپوں کو دہشت گردی کے بنیادی ڈھانچے کا مرکز قرار دیا۔
آبادکاروں کے خط میں فلسطینیوں کے لئے ایران کی مدد پر بھی تشویش کا اظہار کیا گیا، جسے مغربی کنارے میں دہشت گردانہ سرگرمیوں کو بڑھاوا دینے کا ذمہ دار قرار دیا گیا۔
انہوں نے فلسطینی اتھارٹی پر اعتماد کے خاتمے اور فوجی چوکیوں کی تعداد بڑھانے، سڑکوں پر نقل و حرکت محدود کرنے، اور بڑے پیمانے پر فوجی کارروائیوں کا مطالبہ کیا۔ آبادکار کونسلز کا کہنا ہے کہ فلسطینی کیمپوں میں آبادی کی منتقلی اور سخت حفاظتی اقدامات اسرائیل کی سلامتی کو یقینی بنانے کے لیے ضروری ہیں۔