غزہ میں ایک اور اسرائیلی یرغمال خاتون ہلاک، حماس

(روز نامہ قدس ۔آنلائن خبر رساں ادارہ) القسام بریگیڈ نے اعلان کیا ہے کہ اسرائیلی فوج کی کارروائیوں کے دوران غزہ میں قید ایک اسرائیلی یرغمال خاتون ماری گئی ہے۔

مقبوضہ فلسطین پر غیر قانونی صیہونی ریاست کی دہشتگردی کے خلاف برسرپیکار اسلامی  مزاحمتی تحریک حماس کے عسکری ونگ مسلح ونگ عزالدین القسام بریگیڈ نے گزشتہ غزہ میں ایک اسرائیلی یرغمالی خاتون کی ہلاکت کا اعلان کیا ہے۔

القسام بریگیڈ  کے ترجمان ابو عبیدہ نے اپنے بیان میں بتایا ہے کہ شمالی غزہ کے ایک جنگ زدہ علاقے میں اسرائیلی حملوں میں ایک خاتون اسرائیلی یرغمالی ماری گئی،  ابو عبیدہ نے کہا کہ کئی ہفتوں کے وقفے کے بعد خاتون کے اغوا کاروں سے رابطہ بحال ہو گیا اور یہ معلوم ہوا ہے کہ یرغمالی اسرائیلی خاتون شمالی غزہ کے اس علاقے میں ہلاک ہوئی،جہاں اسرائیلی فوج کارروائی کر رہی ہے۔