عدالت نے الاقصی فاونڈیشن کو دہشت گردی کے الزام سے کلیئر کر دیا

یورپی یونین کی ایک عدالت نے قرار دیا ہے کہ یورپی یونین نے ہالینڈ کی الاقصی فاونڈیشن چیرٹی پر غیرقانونی پر پابندی عاید کی ہے۔ یہ فاونڈیشن فلسطینی علاقوں میں غریب اور نادارافراد کو امداد فراہم کرتی ہے۔ یاد رہے کہ ہالینڈ نے اپریل سنہ 2003ء میں "الاقصی فاونڈیشن” کی مقامی شاخ پر اس بنا وجہ سے پابندی عاید کر دی تھی کہ انسانی مقاصد کے لئے جمع کی جانے والی امداد سے عملاً مشرق وسطی کی دہشت گرد انجمنیں فائدہ اٹھا رہی ہیں۔ ہالینڈ حکومت کی اس کارروائی کی وجہ سے یورپی یونین نے اس تنظیم کو سنہ 2003ء میں بلیک لسٹ کر دیا۔ اس حکم کے تحت تنظیم کے یورپی یونین کے تمام ملکوںمیں اثاثے منجمد کر دیئے گئے۔ یورپی عدالت کا کہنا ہے کہ جس حکم کے تحت فاونڈیشن پر پابندی لگائی گئی تھی وہ اسی سال اگست میں منسوخ قرار دیدیا گیا تھا اس وجہ سے الاقصی فاونڈیشن کی پورے پورپ میں شاخوں پر پابندی کو برقرار رکھنے کا قانونی جواز موجود نہیں ہے۔ عدالت کے ترجمان کا کہنا ہے کہ اگر یورپی یونین تنظیم کے دوسرے ملک اس فیصلے پر عمل جاری رکھنا چاہتے ہیں تو وہ اس کے لئے دوسری بہتر وجوہات پیش کریں یا پھر حکم کو منسوخ کر دیا جائے۔ واضح رہے کہ الاقصی فاونڈیشن خیراتی کاموں میں سرگرم ہے اور اس کے تحت 48ء کے مقبوضہ عرب علاقوں، مغربی کنارے اور غزہ کی پٹی میں غریب اور نادار فلسطینیوں کو انسانی بنیادوں پر روزہ مرہ کی ضروری امداد فراہم کی جاتی ہے۔