(روز نامہ قدس ۔آنلائن خبر رساں ادارہ) اسرائیلی فوج نے غزہ پر جنگی جرائم کا نا ختم ہونے والا سلسلہ جاری رکھا ہوا ہے، شمالی غزہ میں پانچ لاکھ سے زائد محصور فلسطینیوں کے لئے بچ جانے والے واحد اسپتال کمال عدوان اسپتال کو ایک بار پھر اپنی جارحیت کا نشانہ بنایا، بمباری کے نتیجے میں ایک ڈاکٹر اور متعدد مریض زخمی ہوگئے۔
فلسطینی وزارت صحت کی جانب سے جاری تفصیلات کےمطابق غزہ پر اسرائیلی درندگی کو 414 دن ہوگئے۔ غاصب صیہونی افواج نے غزہ کی کے مختلف علاقوں خاص طورپر شمالی اور وسطی علاقوں پر وحشیانہ بمباری کا سلسلہ جاری رکھا ہوا ہے، الزیتون محلے، نصیرات کیمپ بیت لاہیا پر رہائشی عمارت پر ڈرونز سے بمباری کی ہے جس کے نتیجےمیں متعدد شہید اور درجنوں زخمی ہوگئے
وزارت صحت نے خبردار کیا تھا کہ اسرائیل کی جانب سے شمالی علاقوں میں خوراک سمیت کسی بھی قسم کی امداد کے داخلے کی اجازت دینے سے انکار کی روشنی میں غزہ میں محصور پٹی کے تمام اسپتال ایندھن کی کمی کے باعث 48 گھنٹوں کے اندر کام بند کر دیں گے