کمانڈرکی شہادت: ہر فلسطینی ہمارا کمانڈر ہے، شکست اسرائیل کا مقدر ہے، حماس

(روز نامہ قدس ۔آنلائن خبر رساں ادارہ ) فلسطینی اپنی زمین کو صیہونی دشمن کے پنجوں سے چھڑانے کےلئے قربانیاں دیتے آئے ہیں ، شہادت ہمارا اعزاز ہے ، شہادتیں ہمارے حوصلوں کو بلند کرتی ہیں کمزور نہیں۔

مقبوضہ  مغربی کنارے کے مشرقی شہر طولکرم میں صیہونی فوج کی فائرنگ سے شہید ہونے والے حماس کے عسکری ونگ القسام بریگیڈ کے کمانڈر کی شہادت پر اپنے جاری بیان میں حماس کا کہنا ہے کہ ہمارے کمانڈر کی کی بزدلانہ حملے میں شہادت سے ہماری مزاحمت کمزور نہیں ہوگی۔

فلسطینی نسلیں اپنے وطن کی صیہونی دشمنوں سے آزادی کے لیے لڑتے ہوئے جانیں دیتی آئی ہیں، شہادت ہمارا اعزاز ہے یہ ہمارے حوصلوں کو بلند کرتی ہیں کمزور نہیں۔ قابض دشمن نے ہمیشہ طاقت کے اندھا دھند استعمال سےنہتے شہریوں کے قتل عام کا طریقہ اپنایا اور مزاحمت کو کچلنے کی ناکام کوشش کی لیکن آج بھی مزاحمت جاری ہے اور پہلے سے مضبوط انداز میں ہے۔