غزہ کی مدد کرنا ہمارا فرض، اسرائیلی خطرے کا مقابلہ کرنا ہمارا دفاع ہے: نعیم قاسم

(روز نامہ قدس ۔آنلائن خبر رساں ادارہ) حزب اللہ کے نئے سربراہ نعیم قاسم نے اپنے تحریک کا عہدہ سنبھالنے کےبعد اپنے پہلے بیان میں اعلان کیا ہے کہ تحریک حزب اللہ کے شہید سربراہ حسن نصر اللہ کے مشن کو جاری رکھے گی اور فتح حاصل کرے گی ۔

اپنے جاری بیان میں انھوں نے کہا کہ 2005 میں یہ حزب اللہ ہی تھی جس نے غاصب صیہونی ریاست کو لبنانی عوام اور فوج کے ساتھ ملک کر ملک سے باہر نکالا تھا اسرائیل اقوام متحدہ کی قراردادوں کے نیتجے میں لبنان سے نہیں نکلی تھی ۔ انھوں نے کہا کہ جب تک صیہونی ریاست غزہ پر جارحیت بند نہیں کرتی ہماری کارروائیاں جاری رہیں گی۔ غزہ کے نہتے شہریوں کی مدد کرنا ہمارا فرض ہے اور صیہونی خطرے سے خطے کو بچانا ہمارا دفاع ہے۔