(روز نامہ قدس ۔آنلائن خبر رساں ادارہ) صیہونی فوج کا جنوبی شہر کو خالی کرنے کا حکم، لاکھوں لوگ ایک بار پھرنقل مکانی پر مجبور
غزہ پر صیہونی دہشتگردی کو آج 372 دن مکمل ہوگئے ہیں، صیہونی افواج نے شمالی غزہ کی پٹی کے ان علاقوں پر اپنی زمینی اور فضائی کارروائیوں میں مزید تیزی دکھائی ہے جہاں کے بے گھر شہری پہلے ہی صیہونی فوج کے گھناؤنے محاصرے اور نسل کشی کی بدترین کارروائیوں کا شکار ہیں۔
قابض فوج نے غزہ کے شمالی علاقے کے لاکھوں لوگوں کو ایک بارپھر جبری نقل مکانی پر مجبور کردیا ہے، صیہونی فوج کی جانب سے کہا گیا ہے کہ وسطی غزہ اور شمال کے علاقوں کے رہائشی فوری طورپر جنوب کی جانب نقل مکانی کریں۔