(روز نامہ قدس ۔آنلائن خبر رساں ادارہ) صیہونی فوج کی جانب سے 48 فوجیوں کے زخمی ہونے کا اعلان اس بات کا ثبوت ہے کہ صیہونی فوج کو پہنچنے والا نقصان اس سے کہیں زیادہ ہے جس کا اعلان کیا گیا ہے۔
غیر قانونی صیہونی ریاست اسرائیل کے میڈیا کے مطابق صیہونی فوج کے ترجمان نے گذشتہ روز اعتراف کیا کہ گزشتہ 24 گھنٹوں کے دوران 48 اسرائیلی فوجی زخمی ہوئے ہیں۔ "فوج” نے وضاحت کی کہ 48 میں سے 30 فوجی لبنان کے ساتھ شمالی سرحد پر حزب اللہ کے ساتھ جھڑپوں میں زخمی ہوئے، اور 18 غزہ میں حماس کے ساتھ لڑائی زخمی ہوئے۔
اسرائیلی اعترافات ایسے وقت میں سامنے آئے ہیں جب لبنان میں اسلامی مزاحمت کا سامنا ہے، تقریباً ایک ہفتے سے اسرائیلی مقبوضہ فلسطین سے لبنان کی سرزمین میں دراندازی کی کوششیں کر رہے ہیں۔
مزاحمت روزانہ کی بنیاد پر اسرائیلی فوجیوں کی ہلاکت اور زخمی ہونے کے علاوہ قبضے کے مقامات پر راکٹ داغنے کا اعلان کرتی رہتی ہے، جس سے اس بات کی تصدیق ہوتی ہے کہ اس نے جارحیت کے جاری رہنے کے باوجود اپنی میزائل صلاحیت کو برقرار رکھا ہوا ہے۔
قابل ذکر ہے کہ غاصب صیہونی فوج کی جانب سے مزاحمت کاروں کے ہاتھوں ہونے والے نقصان کی تفصیلات جاری کرنے پر سخت سنسر نافذ ہے اور وہ اپنے نقصانات کو چھپاتی ہے، لیکن لبنان اور غزہ دونوں میں مزاحمت کی طرف سے جاری ہونے والے بیانات اس بات کی تصدیق کرتے ہیں کہ اس کی ہلاکتیں اور زخمی اس اعلان سے کہیں زیادہ ہیں۔