(روز نامہ قدس ۔آنلائن خبر رساں ادارہ) آج عرب اسلامی اقوام اور یورپی شراکت داروں کے ساتھ مل ہم فلسطین کے دو ریاستی حل کے نفاذ کے لیے بین الاقوامی اتحاد کے قیام کا اعلان کرتے ہیں اور آپ سب کو اس میں شمولیت کی دعوت دیتے ہیں.
سعودی عرب کے وزیرخارجہ شہزادہ فیصل بن فرحان نے گذشتہ روز امریکی ریاست نیویارک میں ایک اجلاس سے خطاب کرتے ہوئے اعلان کیا ہے کہ کئی دہائیوں کی بین الاقوامی کوششوں کی ناکامی کے بعد سعودی عرب نے فیصلہ کیا ہے کہ خطے میں جاری امن کی مخدوش صورتحال کے پیش نظر دو ریاستی حل کو حقیقی انداز میں اپنایا جائے، اجلاس میں عرب لیگ، اسلامی تعاون تنظیم کے اراکین سمیت یورپی یونین کے وزیرخارجہ جوزف بوریل اور ناروے کے وزیر خارجہ شامل تھے۔
سعودی وزیر خارجہ فیصل بن فرحان نے کہا کہ فلسطین کے دو ریاستی حل کے اپنے مؤقف پر قائم ہیں اور اس پر عمل درامد کے لیے ایک بین الاقوامی اتحاد بنا رہے ہیں جس کا پہلا اجلاس ریاض میں ہوگا۔
سعودی وزیر خارجہ نے مزید کہا کہ آج عرب اسلامی اقوام اور یورپی شراکت داروں کے ساتھ مل ہم فلسطین کے دو ریاستی حل کے نفاذ کے لیے بین الاقوامی اتحاد کے قیام کا اعلان کرتے ہیں اور آپ سب کو اس میں شمولیت کی دعوت دیتے ہیں۔
وزیر خارجہ فیصل بن فرحان نے مزید کہا کہ اس اتحاد کا پہلا اجلاس جلد سعودی عرب کے دارالحکومت ریاض میں ہوگا۔