رن اوور آپریشن میں صیہونی فوجی جہنم واصل

 (روز نامہ قدس ۔آنلائن خبر رساں ادارہ ) فلسطینی شخص نے بس اسٹاپ پر گیس سے بھرا ہوا ٹرک صیہونی فوجی پر چڑھا دیا جس سے صیہونی فوجی ہلاک ہوگیا، جوابی فائرنگ سے فلسطینی شدید زخمی حالت میں گرفتار کرلیا گیا۔

غیر قانونی صیہونی ریاست اسرائیل کے چینل 14 کی رپورٹ کےمطابق  فلسطین کے مقبوضہ مغربی کنارے کے وسطی شہر رام اللہ کے قریب بیت ایل چیک پوائنٹ پر تعینات صیہونی فوج کے اہلکار پر فلسطینی جس کی شناخت ہائل عیسیٰ ضعیف اللہ کے نام سے ہوئی ہے نے تیز رفتار گیس سے بھرا ہوا ٹرک چڑھا دیا جس کے نیتجےمیں صیہونی فوجی ہلاک ہوگیا۔

صیہونی فوج کی جانب سے جاری بیان میں بتایا گیا ہےکہ رام اللہ کے رفات گاؤں سے تعلق رکھنے والے فلسطینی کو جوابی فائرنگ میں زخمی کردیا گیا ہے اور وہ اس وقت حراست میں ہے۔