(روز نامہ قدس ۔آنلائن خبر رساں ادارہ ) غزہ پر جاری صیہونی ریاستی دہشتگردی میں ہزاروں نہتے فلسطینیوں کی شہادت اور مغربی کنارے میں فلسطینیوں کی املاک پر قبضے اور ان کے گھروں سے بے دخل کئے جانے کے ردعمل میں آج ایک فلسطینی نے غیر قانونی صیہونی بستی پر حملہ کردیا۔
فلسطین پر قابض غیر قانونی صیہونی ریاست اسرائیل کے میڈیا کی رپور ٹ کےمطابق آج ہفتے کے روز مقبوضہ بیت المقدس کے علاقے بیت لحم کے قریب’گوش عتصیون‘ غیر قانونی صیہونی بستی میں دھماکے اور’کارمی تیزور‘ صیہونی بستی میں مسلح حملے کے نتیجے میں چار غیر قانونی صیہونی آباد کار شدید زخمی ہوگئے۔
رپورٹ میں بتایاگیا ہے کہ ایک فلسطینی بندوق بردار نے کارمی تیزور بستی میں داخل ہو کر غیر قانونی صیہونی آباد کاروں پر فائرنگ کی جس سے ایک گارڈ سمیت متعدد افراد زخمی ہو گئے، موقع پر موجود صیہونی پولیس کی جوابی کارروائی میں فلسطینی حملہ آور کو شہید کردیاگیا ۔
بیت لحم کے قریب کارمی تیزور بستی میں قائم ایک گیس اسٹیشن میں کار بم کے نتیجے میں ایک زور دار دھماکہ ہوا جس میں بعض آبادکارزخمی ہوئے