(روز نامہ قدس ۔آنلائن خبر رساں ادارہ )غزہ پر 7 اکتوبر سے جاری صیہونی دہشتگردی کے نتیجے میں اب تک خواتین اور بچوں سمیت 40,223 فلسطینی شہید اور 92,981 زخمی ہوچکے ہیں جکہ 10 ہزار سے زائد لاپتہ ہیں۔
مقبوضہ فلسطین کے محصور شہر غزہ پر غیر قانونی صیہونی ریاست اسرئیل کی جاری دہشتگردی اور وحشیانہ بمباری کے نتیجےمیں نہتے فلسطینیوں کا قتل عام جاری ہے فلسطینی وزارت صحت نے صیہونی ریاست کے قتل عام کی تازہ تفصیلات جاری کی ہیں جس میں بتایا گیا ہے کہ گذشتہ 24 گھنٹوں کے دوران خواتین اور بچوں سمیت مزید 50 فلسطینی شہید جبکہ 92,981 زخمی ہوگئے ہیں۔
رپورٹ میں بتایا گیا ہے کہ جارحیت کےنتیجےمیں 10 ہزار سے زائد فلسطینی لاپتہ ہیں ہزاروں متاثرین تاحال ملبے کے نیچے اور سڑکوں پر ہیں اور ایمبولینس اور شہری دفاع کا عملہ ان تک نہیں پہنچ سکتا۔
خیال رہے کہ گذشتہ 7 اکتوبر سے "اسرائیلی” قابض افواج غزہ کی پٹی پر تباہ کن جنگ کیے ہوئے ہے جس کے نتیجے میں دسیوں ہزار معصوم شہری شہید، زخمی اور لاپتہ ہونے کے علاوہ 20 لاکھ افراد بے گھرہوچکے ہیں۔ بنیادی ڈھانچے کا 70 فیصد سے زیادہ تباہ ہوچکا ہے اور غزہ کی سخت ناکہ بندی اور مسلسل جنگ کے نتیجے میں گنجان آباد علاقہ قحط کی لپیٹ میں ہے۔
ادویات، پانی اور خوراک کی قلت کے باعث آئے روز بچوں اور دیگرشہریوں کی اموات کی خبریں آ رہی ہیں۔ دوسری جانب غاصب صہیونی دشمن ریاست نے جنگ بندی کی تمام کوششیں ناکام بنا دی ہیں اور وہ غزہ میں فلسطینیوں کی منظم اور مسلسل نسل کشی پر پوری ڈھٹائی کے ساتھ قائم ہے۔