(روز نامہ قدس ۔آنلائن خبر رساں ادارہ ) "ہمیں یقین ہے کہ فلسطینی کاز کے خلاف سازشوں اور جنگوں کے باوجود غزہ کے مجاہدین اور حماس قوم کی عزت اور فخر کی نمائندگی کرتےرہیں گے”۔
یمن کے وزیر خارجہ اور سمندر پار امور کے سربراہ جمال عامر نے یمن کے دار الحکومت صنعا میں قائم فلسطینی مزاحمتی تحریک ’حماس‘ کے مرکز کا دورہ کیا ، اس دوران جمال عامر نے صنعا میں موجود حماس کی مقامی قیادت سے ملاقات کی۔
یمن کے وزیر خارجہ کے دفتر پہنچنے پر یمن میں حماس کے نمائدہ ابو شمالہ نے ان کا استقبال کیا۔ ابو شمالہ نے یمنی وزیرخارجہ کو فلسطین کی تازہ ترین صورت حال اور معرکہ طوفان الاقصیٰ میں ہونے والی پیش رفت کے بارے میں آگاہ کیا۔
یمنی وزیرخارجہ جمال عامر نے کہا کہ "ہم جمہوریہ یمن کے حکام اور ایک ریاست کے طور پر غزہ میں ہونے والے گھناؤنے جرائم کا مقابلہ کرنے کے لیے ہرممکن کوشش کریں گے۔
انہوں نے کہا کہ غزہ میں امریکی اور مغربی مدد کے ساتھ جاری جنگ اسرائیلی اور مغربی دہشت گردی ہے جس میں نہتے فلسطینیوں کی منظم نسل کشی کی جا رہی ہے۔انہوں نے مزید کہا کہ "ہمیں یقین ہے کہ فلسطینی کاز کے خلاف سازشوں اور جنگوں کے باوجود غزہ کے مجاہدین اور حماس قوم کی عزت اور فخر کی نمائندگی کرتےرہیں گے”۔