(روز نامہ قدس ۔آنلائن خبر رساں ادارہ ) ہم دس مہینوں سے دستبرداری کی جنگ لڑ رہے ہیں،نیتن یاہو اپنی حکومت کی بقا میں دلچسپی رکھتے ہیں جو اسرائیل کے وجود کےلئے خطرناک ہے۔
غیر قانونی صیہونی ریاست اسرائیل کے سابق نائب وزیراعظم اور اسرائیل بیتینو پارٹی کے سربراہ ایویگڈور لیبرمین نے وزیراعظم نیتن یاہو کی جانب سے غزہ جنگ میں ایران ، حزب اللہ ، یمنی مزاحمتی جماعتوں سمیت عرب کی دیگر مزاحمتی جماعتوں کے ردمل پر اپنے بیان میں کہا ہے کہ اسرائیل اس وقت اپنی سلامتی کے حوالے سے تاریخ کے نازک ترین دورمیں ہے جہاں وزیراعظم اپنی حکومت کو بچانے کیلئے ملکی سلامتی کو داؤ پر لگاچکے ہیں ۔
انھوں نے کہا کہ ایسے وقت میں جب ملک مختلف محاذو پر جنگ میں مصروف ہے وزیراعظم اور وزیر دفاع کے درمیان اختلاف بڑھتے جارہے ہیں، وزیراعظم نیتن یاہو اور وزیر دفاع گیلنٹ کے درمیان تعلقات میں مسلسل دراڑیں پڑ رہی تو دشمن کو کیا پیغام جاتا ہے؟۔
انھوں نے ایران کے حوالے سے بات کرتے ہوئے کہا کہ "اسرائیل کے پاس ” کا ایران سے مقابلہ کرنے کا کوئی منصوبہ نہیں ہے ہم دس مہینوں سے دستبرداری کی جنگ لڑ رہے ہیں، اور یہ ہمارے مفادات کے لیے نقصان دہ ہے۔