(روز نامہ قدس ۔آنلائن خبر رساں ادارہ ) صیہونی فوج کا کہنا ہے کہ مزاحمت کار ایک گھر میں موجود تھے جہاں وہ اسرائیلی فوج کے خلاف حملوں کی منصوبہ بندی کررہے تھے۔
فلسطین کی وزارتِ صحت کی جانب سے جاری بیان میں بتایا گیا ہے کہ آج صبح مقبوضہ مغربی کنارے کے شہر جنین میں غیر قانونی صیہونی ریاست اسرائیل کی نام نہاد فوج نے کارروائی کرتےہوئے چار فلسطینیوں کو شہید کردیا اور متعدد کو گرفتار کرکے نامعلوم مقامات پر منتقل کردیا۔
غاصب فوج کی جانب سے جاری بیان میں الزام عائد کیا گیا ہے افواج نے خفیہ اطلاعات کی بنیاد پر ایک عمارت کو گھیرے میں لے لیا جہاں مبینہ طور پر مزاحمت کار ،موجود تھے جو اسرائیلی فوج پر حملے کی منصوبہ بندی کررہے تھے اسرائیلی طیارے نے اس علاقے میں اہداف کو نشانہ بنایا۔