(روز نامہ قدس ۔آنلائن خبر رساں ادارہ ) اسرائیل کی جانب سے اپنی فوج کو دنیا کی بہترین اور پیشہ ور فوج قرار دیا جاتا رہا ہے تاہم غزہ میں 9 ماہ سے جاری نسل کشی کی کارروائیوں میں اسرائیلی فوج کو جو نقصان ہوا ہے اسرائیلی حکومت کی جانب سے اس کی درست تفصیلات فراہم کرنےکی اجازت نہیں ہے۔
غیر قانونی صیہونی ریاست اسرائیل کے معروف عبرانی اخبار یدیعوت احرنوت میں شائع ایک رپورٹ میں انکشاف کیا گیا ہے کہ اسرائیلی فوج میں "کرنل اور لیفٹیننٹ کرنل کے عہدے کے 800 سے زائد افسران نے اس سال اپنے استعفے جمع کرائے ہیں جو دنیا کی کسی بھی فوج میں ایک سال کے دوران جمع کرائے گئے استعفوں میں ایک ریکارڈ ہے۔
دوسری جانب عبرانی ویب سائٹ Israel Without Censorship نے تصدیق کی ہے کہ غاصب صیہونی فوج کے اعداد و شمار کے مطابق گذشتہ 7 اکتوبر سے غزہ فلسطینیوں کے خلاف نسل کشی کی کارروائیوں کے آغاز سے اب تک ہلاک ہونے والے اسرائیلی فوجیوں کی تعداد 668 ہو گئی ہے، جن میں 27 تاریخ کو غزہ کی پٹی میں شروع ہونے والی زمینی لڑائی میں 314 فوجی بھی شامل ہیں۔
آزاد صحافتی اور تحقیقاتی ذرائع کے مطابق مزاحمت کاروں کے ہاتھوں اسرائیلی فوج کو ہونے والا نقصان اس سے کہیں زیادہ ہے جو اسرائیلی حکومت اعلان کرتی ہے، اسرائیلی حکومت کی جانب سے صیہونی فوج کو ہونےوالے نقصان کی تفصیلات جاری کرنے پر سخت سنسر شپ عائد کی گئی ہے۔