(روز نامہ قدس ۔آنلائن خبر رساں ادارہ ) صیہونی افواج نے منگل اور بدھ کی رات کفردان میں ایک گھر پر بمباری کی تھی جس کے نیتجے میں چار فلسطینی شہید اور متعدد زخمی ہوگئے تھے ، ایک ایک اور زخمی دم توڑگیا جس کے بعد شہید ہونےوالوں کی تعداد سات ہوگئی ہے۔
فلسطینی ذرائع ابلاغ کےمطابق غیر قانونی صیہونی ریاست اسرائیل نے منگل کے روز مقبوضہ فلسطین کےمغربی کنارے کے شہر جنین میں کفر دان قصبے میں ایک گھر کو نشانہ بنایا جس میں ابنتدائی طورپر چار فلسطینی شہید ہوئے ، گذشترہ روز دو نئے شہداء کی لاشیں برآمد کیں، جس سے اس قصبے کے شہداء کی تعداد 6 ہو گئی اور آج ایک اور زخمی دم توڑگیا جس کے بعد شہید ہونے والوں کی مجموعی تعداد سات ہوگئی۔
فلسطینی وزارت صحت نے کفر دان میں صیہونی فوجی آپریشن کے دوران شہید ہونے والوں کے ناموں کا اعلان کیا ہے۔ ان میں28 سالہ صقر عارف عابد،24 سالہ احمد محمد سمودی، ایمن عبدالکریم ابو فضالہ، 23 سالہ محمد ھزاع مرعی ،32 سالہ مصطفیٰ عالم مرعی اور21 سالہ احمد محمد ابو عبید شامل ہیں۔
ذرائع نے تصدیق کی ہے کہ آج شہید ہونے ولا فلسطینی کفر دان قصبے سے ملحقہ برقین قصبے کا رہائشی ایمن عبدالکریم ابو فضالا ہے۔