غزہ اسرائیل کے لئے افغانستان بنتا جارہا ہے: میجر جنرل یتزاک باراک

 (روز نامہ قدس ۔آنلائن خبر رساں ادارہ ) جن علاقوں کے حوالے سے اسرائیل کا دعویٰ تھا کہ انھیں کلیئر کردیا گیا ہے فلسطینی مزاحمت کار آج وہیں سے اسرائیلی فوج پر بھرپور حملے کررہے ہیں ۔

غیر قانونی صیہونی ریاست اسرائیل کی نام نہاد فوج کے ریزرو میجر جنرل یتزاک باراک نے گذشتہ روز چار اسرائیلی فوجیوں کی ہلاکت اور 32 کے زخمی ہونے پر اسرائیلی ٹی وی نیوز 14 کو دیئے گئے اپنے انٹرویو میں  غزہ کی میں حماس کو شکست دینے میں اسرائیلی فوج کی ناکامی کو تسلیم کرتے ہوئے کہا تھا کہ  غزہ اسرائیلی فوج کے لئے افغانستان  بن رہا ہے ۔

انہوں نے کہا کہ جن علاقوں کے حوالے سے اسرائیل کا دعویٰ تھا کہ انھیں کلیئر کردیا گیا ہے فلسطینی مزاحمت کار آج وہیں سے اسرائیلی فوج پر بھرپور حملے کررہے ہیں بلکہ تل ابیب سمیت اسرائیل کے مختلف شہروں کو میزائیلوں سے نشانہ بنا رہے ہیں۔

یتزاک باراک نے تصدیق کی تھی کہ اس وقت غزہ میں جو کچھ ہو رہا ہے اسے طول دینے سے "اسرائیلی فوج  کی تباہی ہو گی اسرائیل کو فوری طورپر معاہدہ کرکے یرغمالیوں کو گھر وں کو واپس کرنا چاہئے۔