(روز نامہ قدس ۔آنلائن خبر رساں ادارہ ) 14 ہزار بچوں 10 ہزار سے زائد خواتین سمیت 36 ہزار فلسطینیوں نے جانوں کی قربانی دی جس کے بعد یہ اہم پیش رفت ہوئی ہے۔
تنظیم آزادی فلسطین پی ایل اونے یورپی ممالک آئر لینڈ، ناروے اور اسپین کی طرف سے بدھ کے روز فلسطینی رہاست کو تسلیم کیے جانے کے اعلانات کا خیر مقدم کرتے ہوئے کہا ہے کہ یورپی ممالک کی جانب سے فلسطین کو بطور ریاست تسلیم کرنے کے فیصلے سے فلسطین کاز اجاگر ہوگا۔
ان ملکوں نے اعلان کیا ہے کہ یہ 28 مئی تک فلسطین کو ایک آزاد ریاست کے طور پر باضابطہ مان لیں گے یہ اہم پیش رفت جو اسرائیل کے غزہ پر وحشیانہ حملے کے نتیجے میں سامنے آئی ہےجس میں غزہ کے 14 ہزار سے زائد بچوں 10 ہزار سے زائد خواتین سمیت 36 ہزار کے قریب فلسطینیوں نے اپنی جانوں کی قربانی پیش کی ہے۔