(روز نامہ قدس ۔آنلائن خبر رساں ادارہ ) مصری اور امریکی ذرائع نے تصدیق کی ہے کہ دونوں فریقین کو قریب لانے کے لیے پس پردہ متعلقہ افراد کے درمیان بات چیت جاری ہے۔
مصر کے شہر قاہرہ میں غیر قانونی صیہونی ریاست اسرائیل کی غزہ پر دہشتگردی کو لگام ڈالنے ، بالواسطہ مذاکرات کے مشکل دنوں کے بعد ایک طرف حماس اور دیگر فلسطینی دھڑوں کے درمیان اور دوسری طرف اسرائیل، مصری، امریکی اور قطری ثالثی سے غزہ کی پٹی میں جنگ بندی تک پہنچنے کے لیے مذاکرات جاری ہیں ہیں تاہم صیہونی ریاست کی ہٹ دھرمی کے باعث تاحال کوئی قابل زکر معاہدے تک پہنچنے میں فریقین ناکام رہے ہیں ۔
ان مذاکرات کےتناظر میں امریکی خفیہ ایجنسی "سی آئی اے” کے ڈائریکٹر ولیم برنز آج جمعہ کو قاہرہ سے روانہ ہوگئے ہیں۔
دریں اثنا مصری اور امریکی ذرائع نے تصدیق کی ہے کہ دونوں فریقین کو قریب لانے کے لیے پس پردہ متعلقہ افراد کے درمیان بات چیت جاری ہے۔جب کہ مصری وزارت خارجہ نے کہا ہے کہ وزیر خارجہ سامح شکری نے اپنے امریکی ہم منصب انٹونی بلنکن کو ایک فون کال میں یقین دہانی کرائی ہے کہ "جلد از جلد” تباہ شدہ فلسطینی پٹی میں جنگ بندی کے معاہدے تک پہنچنے کی ضرورت ہے اور اس کے لیے مذاکرات کا ایک بالواسطہ دور قاہرہ کی میزبانی میں ہوگا۔
زوروزارت خارجہ نے ایک بیان میں وضاحت کی ہے کہ دونوں وزراء نے غزہ مذاکرات میں فریقین پر لچک دکھانے اور جنگ بندی تک پہنچنے کے لیے ضروری کوششیں کرنے کی اہمیت پر اتفاق کیا تاکہ انسانی المیے کو ختم کرکرتے ہوئے غزہ کو مکمل اور پائیدار ترسیل کی اجازت دی جا سکے۔
دونوں وزراء نے غزہ میں ایک جامع جنگ بندی تک پہنچنے کے لیے فریقین پر زور دینے کے لیے رابطہ کاری جاری رکھنے پر اتفاق کیا۔