(روز نامہ قدس ۔آنلائن خبر رساں ادارہ ) اسرائیل کےخلاف امریکہ میں شروع ہونے والی طلباء تحریک دنیا بھر میں پھیل گئی ہے، دنیا کو "اسرائیل” کے بارے میں حقیقت معلوم ہو چکی ہے۔
اسلامی تحریک مزاحمت "حماس” کے بین الاقوامی تعلقات کے دفتر کے سربراہ ڈاکٹر موسیٰ ابو مرزوق نے فلسطین کے سرکاری ٹی وی الاقصیٰ ٹی کو دیئے گئے انٹرویو میں کہا ہےکہ مزاحمت کے ہاتھوں امریکہ اوراسرائیل کوشکست 7اکتوبر کو ہی ہوگئی تھی، اسرائیل نے غزہ پر 85 ہزارٹن سے زیادہ امریکہ بم گرائے 7 ماہ سے جاری وحشیانہ بمباری میں 34 ہزار سے زائد نہتے فلسطینی شہید ہوئے 77 ہزارسے زائد زخمی ہیں تاہم طاقت کے بے دریغ استعمال کے باوجد صیہونی دشمن اپنے کسی مقصد کو حاصل کرنے میں ناکام رہا اور ایک قیدی کو بھی آزاد نہیں کراسکا۔
انھوں نے کہا کہ غزہ میں ہمارے عوام کو مبارکباد اور تحسین پیش کرتے ہیں جو ثابت قدم اور اس نے تاریخ میں ایک بے مثال نمونہ تخلیق کیا، غزہ میں صابر لوگوں کو سلام جنہوں نے اپنی سرزمین سے وفا کر کے شاندار تاریخ لکھی ۔