(روز نامہ قدس ۔آنلائن خبر رساں ادارہ )حماس نے صیہونی ریاست کو شکست فاش دے دی ہے، اسرائیل اپنے حواس کھوچکا ہے اپنی شکست چھپانے کیلئے نہتے شہریوں پر وحشیانہ بمباری کررہا ہے۔
جماعت اسلامی کے تحت کراچی کی شارع قائدین پر شب یکجہتی غزہ مارچ کا انعقاد کیا گیا جس میں جماعت اسلامی کے کارکنان اور عوام کی بڑی تعداد شریک ہوئی۔
شب یکجہتی غزہ مارچ سے خطاب کرتےہوئےامیر جماعت اسلامی کراچی حافظ نعیم الرحمان نے کہا کہ اسرائیل کو حماس نے شکست دے دی ہے، اقوام متحدہ کی سلامتی کونسل کی قرارداد کے بعد بھی اسرائیل باز نہیں آ رہا، فلسطین کے ساتھ جدوجہد جاری رکھنی ہے اور پوری دنیا تک پیغام پہنچانا ہے کہ ہم فلسطینی بھائیوں کے ساتھ کھڑے ہیں۔
انہوں نے کہا کہ رمضان المبارک کے بابرکت مہینے میں شب بیداری فریضہ انجام دی ہے، شب بیداری کے توسط سے دعاگو ہیں اللہ فلسطینی بچوں کی مدد فرمائے، چاروں طرف سے صیہونی بمباری کر رہے ہیں، اسپتالوں پربمباری کی جارہی ہے، کوئی بولےیا نہ بولے ہم اپنے حصےکا چراغ جلاتے رہیں گے۔
حافظ نعیم الرحمان نے یہ بھی کہا کہ فلسطین کے ساتھ ہمارے رشتے کو کوئی نہیں توڑ سکتا، مسلمان فلسطینی مسلمانوں کے لیے مصر سے رابطہ کریں اور راستے کھولے جائیں۔
شب یکجہتی غزہ مارچ سے حماس کے رہنما ڈاکٹر خالد قدومی نے ویڈیو لنک پر خطاب میں کہا کہ کراچی کے عوام کا شکرگزار ہوں جنہوں نے مسئلہ فلسطین کو زندہ رکھا۔خالد قدومی کا کہنا تھا امریکا اسرائیل کی پشت پناہی اور فلسطین پرظلم کروا رہا ہے، غزہ کےعوام مسجداقصیٰ کی بقا کے لیے جنگ کر رہے ہیں، اسرائیل صرف فلسطیینوں کا نہیں تمام اسانیت کا دشمن ہے۔حماس رہنما نے پاکستان سے مطالبہ کیا ہے کہ وہ فلسطینی مہاجرین کو پاکستان میں پناہ دیں اور ان کا علاج کریں ۔