(روز نامہ قدس ۔آنلائن خبر رساں ادارہ ) صیہونی دشمنوں نے غرب اردن میں فلسطینیوں کے خلاف دہشتگردی کا کارروائیاں جاری رکھیں ہیں جس کے جواب میں القسام کے جانبازوں نے صیہونی دشمنوں کو غیر معمولی نقصان پہنچایا ۔
فلسطینی مزاحمتی تحریک حماس کے عسکری ونگ شہید عزالدین القسام بر یگیڈ نے جاری بیان میں بتایا ہے کہ مقبوضۃ مغربی کنارے میں بریگیڈز کے جنگجوؤں نے گزشتہ 48 گھنٹوں کے دوران طولکرم کے نور شمس کیمپ میں دشمن اور اس کی گاڑیوں کی دراندازی کا جواب دیتے ہوئے نشانہ بنایا۔
طوباس شہر، اور یریحو، عقبات اور جبر پناہ گزین کیمپ میں بھی صیہونی دشمنوں کی متعدد فوجی گاڑیوں کو "پہلے سے نصب شدہ دھماکہ خیز آلات سے نشانہ بنایا، جس سے صیہونی دشمنوں کو براہ راست جانی اور مالی نقصان پہنچا، حملے میں صیہونی فوج کا ایک اہلکار ہلاک اور دیگر 7 زخمی ہوئے جبکہ کم سے کم 6 فوجی گاڑیوں کو نقصان پہنچا۔