(روز نامہ قدس ۔آنلائن خبر رساں ادارہ ) اجلاس میں "غزہ کے خلاف صیہونی جارحیت کو روکنے کی کوششوں، جنگ بندی اور امداد تک مکمل رسائی کے حصول کی ناگزیریت پر تبادلہ خیال کیا گیا۔”
غیر ملکی خبررساں ادارے کی رپورٹ کےمطابق آج بروز جمعرات مصر کے دارالحکومت قاہرہ میں ایک اجلاس منعقد ہوا جس میں مصر، سعودی عرب، قطر اور اردن کے وزرائے خارجہ، متحدہ عرب امارات کے وزیر مملکت برائے بین الاقوامی تعاون اور فلسطین لبریشن کی ایگزیکٹو کمیٹی کے سیکرٹری نے شرکت کی۔
اجلاس میں غزہ کی صورتحال، جس میں امداد کو بغیر کسی خلل کے متاثرین تک پہنچانے سمیت صیہونی ریاست کی نہتے شہریوں پر وحشیانہ بمباری روکنے اور جنگ بندی کے ممکنا مواقعوں پر تفصیلی گفتگو کی گئی۔