(روز نامہ قدس ۔آنلائن خبر رساں ادارہ ) اشرف القدرہ نے تصدیق کی کہ غذائی قلت اور پانی کی کمی سے ہونے والی شہادتوں کی تعداد حقیقی تعداد سے کہیں کم ہے۔
فلسطینی وزارت صحت کےترجمان ڈاکٹر اشرف القدرہ نے میڈیا کو جاری بیان میں بتایا ہے کہ غیر قانونی صیہونی ریاست اسرائیل کی غزہ پر جاری دہشتگردی اور شہر کے مکمل محاصرے کے باعث بھوک اور قحط سے غزہ کے بچوں کی ہلاکتوں کا سلسلہ جاری ہے، الشفاء میڈیکل کمپلیکس میں تین فلسطینی بچے غذائی قلت اور پانی کی کمی کے نتیجے میں شہید ہوئے۔
القدرہ نے ایک مختصر بیان میں مزید کہا کہ غزہ کی پٹی میں غذائی قلت اور پانی کی کمی سے شہید کی تعداد 23 ہو گئی ہے۔گذشتہ بدھ کو وزارت صحت نے الشفاء میڈیکل کمپلیکس میں ایک 15 سالہ بچے اور شمالی غزہ کے کمال عدوان ہسپتال میں ایک معمر شخص (72 سال) کی موت کا اعلان کیا۔اشرف القدرہ نے تصدیق کی کہ غذائی قلت اور پانی کی کمی سے ہونے والی شہادتوں کی تعداد حقیقی تعداد سے کہیں کم ہے۔