(روز نامہ قدس ۔آنلائن خبر رساں ادارہ ) سیکڑوں شہری تاحال ملبے تلے دبے ہوئے ہیں جن تک رسائی کو اسرائیلی فوج نے ناکام بنایا ہوا ہے۔
فلسطینی وزارت صحت کی جانب سے جاری رپورٹ کے مطابق اسرائیلی فوج نے غزہ پر وحشیانہ بمباری کا سلسلہ جاری رکھا ہوا ہے ، گذشتہ چوبیس گھنٹوں کے دوران صیہونی فوج نے المغراقہ ، جوہر الدک، الدراج، الزیتون اور الصابرہ سمیت مختلف شہری علاقوں پر بمباری کی جس کے نتیجے میں خواتین اور بچوں سمیت مزید 96 فلسطینی شہید اور 172 زخمی ہوگئے، سیکڑو زخمی ابھی تک ملبے تلے دبے ہوئے ہیں ، شہری دفاع اور امدادی کارکنان اسرائیلی فوج کے باعث زخمیوں تک پہنچنے سے محروم ہے۔ غزہ پر اسرائیلی جارحیت میں 7 اکتوبر سے اب تک 29,878 شہید اور 70,215 زخمی ہو گئے ہیں۔