(روز نامہ قدس ۔آنلائن خبر رساں ادارہ ) "گزشتہ اکتوبر کی سات تاریخ سے اسرائیلی حملوں میں ہلاک ہونے والوں کی تعداد 29,195 اور زخمیوں کی تعداد 69,170 ہو گئی ہے۔”
فلسطینی وزارت صحت کی جانب سے جاری تازہ تفصیلات کے مطابق مقبوضہ فلسطین کے محصور شہر غزہ پر صیہونی بربریت کا سلسلہ پانچوے مہینے میں داخل ہوگیا ہے، گذشتہ 24 گھنٹوں کے دوران غزہ پر صیہونی بلاامتیا ز وحشیانہ بمباری میں 40 بچوں اور 19 خواتین سمیت مزید 103 فلسطینی شہید اور 150 سے زائد زخمی ہوگئے ہیں۔
غزہ کے سب سے بڑے اسپتال الاقصیٰ کے حکام کا کہنا تھا کہ دیرالبلح پر اسرائیلی حملے میں زخمی ہونے والے کئی افراد کی حالت نازک ہے اور اسپتال میں محدود سہولیات کے باعث اموات کی تعداد میں اضافہ ہو سکتا ہے۔