(روز نامہ قدس ۔آنلائن خبر رساں ادارہ ) دہشتگردی صیہونی فوج نے 24 گھنٹوں کے دوران خواتین اور بچوں سمیت مزید 127 فلسطینیوں کو شہید جبکہ 180 سے زائد کو زخمی کردیا۔
فلسطینی وزارت صحت کی جانب سے صیہونی دہشتگردی کی نئی تفصیلات جاری کی گئی ہیں جس کے مطابق غیر قانونی صیہونی ریاست کی نام نہاد فوج نے مقبوضہ فلسطین کےمحصور شہر غزہ پر وحشیانہ بمباری کا سلسلہ 121 ویں روز بھی جاری رکھا جس میں اب تک 11،000 سے زائد بچے اور 10،000 سے زائد خواتین شہید مجموعی طورپر 27,365 فلسطینی شہید 66,630 زخمی جبکہ 15ہزار سے زائد لاپتہ ہیں۔
غزہ پر صیہونی دہشتگردی سے انسانی بحران پیدا ہوگیا ہے، غزہ کا 90 فیصد علاقہ تباہ ہوچکا ہے جس کے باعث 20 لاکھ سے زائد فلسطینی بے گھر ہیں خوراک، پانی اور ادویات کی سپلائی تقریباً ختم ہو چکی ہے۔
وزارت صحت کا کہنا ہے کہ غزہ میں 150 سے زائد اسپتالوں میں سے اب صرف 6 اسپتال جزوی طورپر فعال ہیں ۔