(روز نامہ قدس ۔آنلائن خبر رساں ادارہ ) فلسطینی شہدا کے ہاتھوں پر ہتھکڑیاں لگی ہوئی تھی اور انہیں پلاسٹک کے تھیلوں میں لپیٹ کر ریت میں دبایا گیا تھا۔
فلسطین پر قابض غیر قانونی صیہونی ریاست اسرائیل جنگی جرائم کےساتھ انسانی حقوق کی خلاف ورزیوں کا نیا باب رقم کررہا ہےصیہونی فوج کا غزہ میں فلسطینیوں کا بدترین قتل عام جاری ہے، شمالی غزہ علاقے بیت لاہیہ میں واقع خلیفہ بن زائد اسکول سے 30 فلسطینیوں کی ہاتھ پاؤں بندھی لاشیں برآمد ہوئی ہیں، اس علاقےکو گزشتہ کئی ہفتوں سے اسرائیلی فوج نے گھیرے میں لے رکھا تھا اور یہاں سے بڑے پیمانے پر فلسطینیوں کی گرفتاریاں کی گئی تھیں۔
فلسطینی ذرائع ابلاغ کے مطابق شہدا کے ہاتھوں پر ہتھکڑیاں لگی ہوئی تھی اور انہیں پلاسٹک کے تھیلوں میں لپیٹ کر ریت میں دبایا گیا تھا۔فلسطینی وزارت خارجہ نے عالمی تحقیقات کا مطالبہ کرتے ہوئے الزام لگایا ہےکہ اسرائیل فلسطینی قیدیوں کو قتل کر رہا ہے۔