(روز نامہ قدس ۔آنلائن خبر رساں ادارہ ) امریکہ نے غزہ سے باہر فلسطینیوں کی آباد کاری سے متعلق اسرائیلی وزراء کے بیانات کو سختی سے مسترد کرتے ہوئے کہا ہے کہ یہ بیانات اشتعال انگیز اور غیر ذمہ دارانہ ہیں، امریکا ہمیشہ سے اس بات پر واضح رہا ہے کہ غزہ فلسطینی سرزمین ہے اور ان کی ہی رہے گی۔
امریکی محکمہ خارجہ کے ترجمان میتھیوملر نے صیہونی ریاست اسرائیل کے وزیر برائے قومی سلامتی ایتمار بن گویر اور وزیرخزانہ بیزلل سموٹریچ کی جانب سے غزہ سے باہر فلسطینیوں کی آباد کاری سے متعلق بیانات کو سختی سے مسترد کرتے ہوئے کہا ہے کہ یہ بیانات اشتعال انگیز اور غیر ذمہ دارانہ ہیں، امریکا ہمیشہ سے اس بات پر واضح رہا ہے کہ غزہ فلسطینی سرزمین ہے اور ان کی ہی رہے گی۔
واضح رہے کہ وزیر برائے قومی سلامتی ایتمار بن گویر اور وزیر خزانہ سموٹریچ نے فلسطینی شہریوں کی غزہ سے نقل مکانی کو طویل عرصے سے جاری تنازع کے حل اور استحکام کو یقینی بنانے کے لیے ضروری شرط کے طور پر پیش کرتے ہوئے غزہ کی پٹی میں بستیوں کی تعمیر نو اور فلسطینیوں کی "رضاکارانہ ہجرت” کو فروغ دینے کے بیانات جاری کئے تھے دوسری جانب
ٹائمز آف اسرائیل کے مطابق، پیر کے روز وزیر اعظم بنجمن نیتن یاہو کی حکومت کے دو سرکردہ انتہائی دائیں بازو کے رہنماؤں نے غزہ کی پٹی میں بستیوں کی تعمیر نو اور فلسطینیوں کی "رضاکارانہ ہجرت” کو فروغ دینے کی حمایت کی، جب کہ اسرائیل کے قائد حزب اختلاف لیبرمین جو مسلمانوں کے کیلئے سخت گیر خیالات کے حوالے جانے جاتے ہیں انھوں نے بھی مطالبہ کیا تھا کہ اسرائیل کو جنوبی لبنان پر دوبارہ قبضہ کرنا چاہئے۔