(روز نامہ قدس ۔آنلائن خبر رساں ادارہ ) اسرائیلی اسپتال برزلی کے ڈائریکٹر کاکہنا ہے کہ گزشتہ عشروں میں ہم نے پے در پے جنگیں دیکھی ہیں لیکن یہ ایک بہت ہی غیر معمولی جنگ ہے جس نے اسرائیل کو ہلا کر رکھ دیا ہے۔
امریکہ کے معروف اخبار : "دی نیویارک ٹائمز” نے اپنی رپورٹ میں بتایا ہے کہ اسرائیل حماس کے حملوں سے بے حد پریشان ہے غزہ پر غیر معمولی بمباری اور تمام تر عسکری قوت کے استعمال کے باوجود حماس ابھی بھی ٹوٹنے سے بہت دور ہے جنگ کے آغاز سے اب تک غزہ سے "اسرائیل” پر 12,000 راکٹ فائر کیے جا چکے ہیں، راکٹوں کا مسلسل داغے جانا حماس کے ہتھیاروں کے حجم کا اشارہ دیتا ہے۔
اخبار نے لکھا ہے کہ حماس کے داغے جانے والے راکٹوں نے سرحدی علاقوں کے علاوہ ھ بڑے شہروں” کو نشانہ بنایا ہے جو حماس کی عسکری صلاحیتوں کا منہ بولتا ثبوت ہے، اسرائیل نے غزہ میں نہ عسکری، نہ سیاسی کسی محاذ پر کامیانی نہیں حاصل کی۔
عسقلان میں برزلی ہسپتال میں ایمرجنسی اور آفات کے ڈائریکٹر کے حوالے سے اخبار نے لکھا ہے کہ وہ کہتے ہیں "اسرائیل” کو کس قسم کی مزاحمت کا سامنا ہے یہ ہم سب دیکھ رہے ہیں "گزشتہ کئی عشروں میں ہم نے پے در پے جنگوں کے دور دیکھے ہیں، لیکن یہ ایک بہت ہی غیر معمولی دور ہے۔