(روز نامہ قدس ۔آنلائن خبر رساں ادارہ ) القسام بریگیڈ کے جانبازوں نے اسرائیلی فوج کی ایک بریگیڈ کو گھات لگاکر حملہ کیا، جانبازاسرائیلی فوج کو دھوکے سے اپنی گھات میں لانےمیں کامیاب ہوئے۔
غیر قانونی صیہونی ریاست اسرئیل کے عبرانی اخبار Yedioth Ahronoth وت احرونوت‘ نے اپنی رپورٹ میں اسرائیلی فوج کی جانب سے گذشتہ روز غزہ کے علاقے شجاعیہ میں مزاحمت کاروں کے حملے میں فوج کی "یفتاح” بریگیڈ کے کمانڈر کرنل اسحاق بن بشیت کی ہلاکت کا اعتراف کرلیا ، حملےمیں دو کرنل سمیت 15 فوجی اب تک ہلاک ہوچکے ہیں۔
اخبار کے مطابق غاصب صیہونی فوج نے اعتراف کیا کہ گذشتہ روز شجاعیہ کے علاقےمیں "یفتاح” بریگیڈ اور گولانی بریگیڈ کی 13ویں بٹالین القسام بریگیڈ کے جانبازوں کی جانب سے لگائی گئی گھات بٹالین کمانڈر لیفٹیننٹ کرنل ٹومر گرین برگ سمیت 15 فوجی ہلاک ہوئے تھے جبکہ دیگر کئی زخمی ہوئے تھے، زخمیوں میں کرنل اسحاق بشیت بھی شامل تھے جو آج زخموں کی تاب نا لاتے ہوئے ہلاک ہوگئے ہیں۔
اخبار کا کہنا ہے کہ شجاعیہ میں گھات لگا کر حملے کے دوران ایک اہلکار لاپتہ ہے اور شبہ ظاہر کیا جا رہا ہے کہ اسے القسام کے کارکنان نے اغوا کر لیا ہے۔
عبرانی نیوز چینل "کان” نے اسرائیلی فوج کی جانب سے واقع کی تفصیلات بیان کرتے ہوئے بتایا ہے کہ اسرائیلی فوج کا کہنا ہے کہ حملہ بہت خطرناک تھا، فوج غزہ کے علاقے شجاعیہ میں حماس کے جنگجوؤں کے ایک گروپ کی طرف سے تیار کیے گئے گھات میں پھنس گئی تھی۔ اسرائیلی فوج نے سرنگوں کو دھماکہ خیز مواد سے تباہ کیا اور اس میں زخمی ہونے والوں کو نکالنے کے لیے پہنچی تو حماس کے اہلکاروں نے اسرائیلی فوج پر چاروں جانب سے فائرنگ کردی جس کے نتیجے میں ہلاکتیں ہوئیں۔
ہلاک ہونے والے اسرائیلی فوجیوں میں 35 سالہ لیفٹیننٹ کرنل ٹومر گرین برگ، مالموگ سے، 13ویں بٹالین، گولانی بریگیڈ کے 23 سالہ کمانڈر میجر رائے ملداسی، ، افولا سے، 13ویں بٹالین، گولانی بریگیڈ میں 23 سالہ کمپنی کمانڈرموشے ابراہم بار-آن، ، راعنا سے، 51 ویں بٹالین، گولانی بریگیڈ میں 19سالہ کمپنی کمانڈر احیا ڈسکل، 51 ویں بٹالین، گولانی بریگیڈ کی 22سالہ لیل ہیو،، شوہم سے، 51 ویں بٹالین، گولانی بریگیڈ میں26سالہ پلاٹون لیڈرمیجر بین شیلی، ، میک ڈیرون، سپیشل ٹیکٹیکل ریسکیو یونٹ (669) میں 20 سالہ جنگجوؤں کے پلاٹون لیڈر روم ہیچٹ،، گیواتائم سے، سپیشل ٹیکٹیکل ریسکیو یونٹ (669) میں 19سالہ لڑاکااوریا یعقوب، اشکیلون سے، 614 ویں بٹالین، کالج آف کامبیٹ انجینئرنگ کے 26 سالہ فرائگ موشے شامل ہیں ۔