اسرائیل کی 2 ہزار سے زیادہ فوجیوں کے معذور ہونے کی تصدیق

(روز نامہ قدس ۔آنلائن خبر رساں ادارہ ) 5 ہزار زخمی فوجیوں میں سے58  فیصد سے شدید زخمی ہیں اور ان کی حالت تشویشناک ہے۔

غیر قانونی صیہونی ریاست اسرائیل کے معروف عبرانی خبار   ’یدیعوت احرونوت‘ میں شائع  رپورٹ میں اسرائیلی محکمہ دفاع نے 2 ہزار سے زیادہ فوجیوں کے معذور ہونےکی تصدیق کی ہے۔

رپورٹ میں تصدیق کی گئی ہے کہ غزہ میں القسام بریگیڈ کے غیر معمولی حملوں میں مجموعی طور پر 5 ہزار سے زائد اسرائیلی فوجی زخمی ہوئے ہیں جن میں سے 58 فیصد سے زائد شدید زخمی ہیں اور ان کی حالت نازک ہے ،اسرائیلی وزارت دفاع کی سربراہ نے اخبار کو بتایا کہ ہمیں اس سے قبل اس طرح کی صورت حال کا کبھی سامنا نہیں کرنا پڑا، زخمی فوجیوں کے ہاتھوں اور ٹانگوں میں شدید زخم آئے ہیں اور بہت سے ایسے ہیں جن کے ہاتھ اور پاؤں کاٹنے پڑے ہیں۔

رپورٹ کے مطابق 12 فیصد زخمی ایسے ہیں جنہیں شدید اندرونی زخم آئے ہیں اور ان کے اعضا شدید متاثر ہوئے ہیں۔ صیہونی وزارت دفاع کے حکام نے اخبار کو بتایا کہ7 فیصد فوجی شدید نفسیاتی دباؤ کا شکار ہیں اور ہمیں اندازہ ہےکہ ایسے فوجیوں کی تعداد میں مزید اضافہ ہوگا۔