(روز نامہ قدس ۔آنلائن خبر رساں ادارہ ) فلسطین کی مزاحمتی تنظیم حماس کے عسکری ونگ القسام بریگیڈز نے غزہ میں حملہ آور ہونے والی اسرائیلی فوج پر حملوں کی نئی ویڈیو جاری کردی۔
حالیہ جاری کردہ نئی ویڈیو میں باآسانی دیکھا جاسکتا ہے کہ القسام بریگیڈ کے جانبازوں نے غیر قانونی صیہونی ریاست اسرائیل کی فوج کو غزہ میں ہر جگہ نشانہ بنایا ہے جس میں فوجی ٹینکوں کے علاوہ دیگر ملیٹری وہیکلز اور فوجیوں کو نشانہ بنایا ۔
صیہونی افواج کی جانب سےمقبوضہ فلسطین کے محصور شہر غزہ میں مسلسل عالمی قوانین اور اور انسانی حقوق کی خلاف ورزیوں کا سلسلہ جاری ہے، اسرائیلی افواج عام شہریوں اور طبی مراکز کو نشانہ بنارہی ہے۔ تاہم اسرائیلی فوج کو القسام بریگیڈز کی جانب سے سخت مزاحمت کا بھی سامنا ہے۔
القسام بریگیڈز نے اسرائیلی فوج پر حملوں کی نئی ویڈیو جاری کردی ہے جس میں القسام کے جنگجوؤں کو اسرائیلی ٹینکوں اور فوجیوں پر حملہ کرتے دیکھا جاسکتا ہے جو اس بات کی دلیل ہے کہ اسرائیل کی جانب سے غزہ کا کنٹرول سنبھالنے کے دعوئے بے بنیاد ہیں اسرائیلی فوج کو غزہ میں غیر معمولی مزاحمت کا سامنا ہے دو ماہ کی مسلسل اور وحشیانہ بمباری کے باوجود اسرائیلی فوج صرف چند علاقوں کے علاو کہیں بھی کنٹرول کرنے میں ناکام ہے۔