(روز نامہ قدس ۔آنلائن خبر رساں ادارہ ) صیہونی جارحیت میں شہید ہونے والوں میں 73 فیصد بچے،خواتین اور عمررسیدہ افراد ہیں ان میں 3,457 نابالغ بچے بھی شامل ہیں۔
فلسطینی وزارت صحت کی جانب سے جاری کردہ تازہ بیان میں بتایا گیا ہے کہ غزہ پر سات اکتوبر سے جاری وحشیانہ بمباری میں اب تک 8400 سے زائد فلسطینی شہری شہید ہوچکے ہیں جس میں 3,457 نابالغ بچے اور 2 ہزار سے زائد خواتین شہید ہوچکی ہیں ۔
دوسری جانب جنگی جرائم کے مرتکب صیہونی صدر نے ہرزہ سرائی کرتے ہوئے بین القوامی ادروں جس میں اقوام متحدہ بھی شامل ہے ان کی جانب سے جاری تفصیلات کو بھی جھٹلاتے ہوئے کہا ہے کہ اسرائیلی فوج پر شہریوں کے قتل کاالزام بے بنیاد ہے اسرائیلی فوج صرف حماس کے اراکین کو نشانہ بنا رہی ہے۔
ان کا کہنا ہے کہ غزہ میں صرف حماس اور دیگر عسکریت پسند گروپوں کو نشانہ بنا یا جارہا ہے تمام شہریوں کی ہلاکتوں کا الزام مکمل طور پر بے بنیاد ہے اگر کوئی ہلاکت ہوئی ہے تو اس کا ذمہ دار حماس کے جنگجوہیں جنہوں نے جنگ کا آغاز کیا اور غزہ کی شہری آبادی کے درمیان چھپے۔