(روز نامہ قدس ۔آنلائن خبر رساں ادارہ )صیہونی ریاست کو حماس کے ساتھ ساتھ لبنانی مزاحمتی تحریک حزب اللہ سے بھی غیر معمولی نقصانات پہنچ رہے رہیں۔
برطانوی خبر ایجنسی نے اپنی رپورٹ میں لبنان کی مزاحمتی تنظیم حزب اللہ کی جانب سے دعویٰ کیا ہے کہ حزب اللہ نے جنوبی لبنان کے علاقے میں پرواز کرنے والے اسرائیلی ڈرون کو زمین سے فضا میں مار کرنے والے میزائل کے ذریعے مار گرایا ہے۔
واضح رہے کہ 7 اکتوبر کواسرائیل پر حماس کے غیر معمولی حملوں کے بعد لبنان کے سرحدی علاقوں میں اسرائیلی افواج کے ساتھ کشیدگی کے بعد یہ پہلا موقع ہے کہ حزب اللہ کی جانب سے ایسا دعویٰ کیا گیا ہے۔
حزب اللہ نے کہا ہے کہ غیر قانونی صیہونی ریاست اسرائیل کی سرحد سے 5 کلومیٹر فاصلے پر لبنانی علاقے خیام میں اسرائیلی ڈرون نے گھسنے کی کوشش کی جس پر اس ڈرون کو نشانہ بنایا گیا جو کہ اسرائیلی علاقے میں جا کر گرا ۔
خیال رہے کہ 7 اکتوبر سے غزہ پر اسرائیلی جارحیت کے بعد روزانہ حزب اللہ اور اسرائیلی افواج میں جھڑپیں ہوتی رہی ہیں تاہم پہلی مرتبہ حزب اللہ کی جانب سے اسرائیلی ڈرون مارنے اور زمین سے فضا میں مار کرکے ڈرون کا نشانہ بنانے والے میزائل کے استعمال کا دعویٰ کیا گیا ہے۔ حزب اللہ کا دعویٰ ہے کہ گزشتہ تین ہفتوں میں اسرائیل کے 42 مقامات پر 84 حملے کیے گئے ہیں۔